الممثل القدير علي نور في أول حوار إذاعي بعد غياب طويل عن الأعمال الدرامية في O star مع أميمة العياري في إذاعة ديوان أف أم :
علي اللواتي كتبلي برشا ادوار و ديما يقول نكتب للحي و على الحي و ادواري البرجوازية ممكن هو شافني فيهم
الخدمة في شوفلي حل حاجة كبيرة برشا و نجاح شوفلي حل حتى حد ماكان يتصوروا و سفيان الشعري ولا نجم في تونس بعد دور “السبوعي ”
كي يبداو كمال التواتي و فتحي الهداوي في TETE D’AFFICHE | يبيعوا اكثر مني و جمعة قبل تصوير مسلسل باب الرزق انا و يونس الفارحي استبعدنا من التلفزة الوطنية من التصوير
اكثر مشاركاتي التمثيلية كانوا في التلفزة و نعتبر روحي ولد التلفزة و هي عندها فضل كبير عليا و على غيري
مسلسل قمرة سيدي محروس احسن انتاج تلفزي عرفتوا الوطنية و انا مانتفرجش على اعادة أعمالي
الدور الي ديما نحب نمثلو هو دور المتسكع خاطر في سفرتي تسكعت و عشت برشا حاجات
مع الاسف وضعية الفنان اليوم مزرية وفما فنان كبير كلمني قلي راني “جيعان” و من واجبي و واجب كل واحد عندو الامكانيات بش يغير مالوضعية و تعاونية الفنان ممولة من وزارة الثقافة
انا كي مانمثلش في التلفزة نمرض، هذاكا علاش التجأت للمسرح و قدمت مسرحية “المسافة صفر”
About The Author
